سياسة الاسترداد

 

في PROVEN عايزينك تلبس القطعة وانت مبسوط بيها. عشان كده خلّينا القواعد بسيطة وواضحة من الأول.

━━━━━━━━━━━━━━━━━━

١. عاين قبل ما تدفع

لما المندوب يوصلك، افتح الشنطة وعاين القطعة قدامه قبل ما تدفع: المقاس، اللون، الخياطة، والخامة.
لو فيه أي حاجة مش مظبوطة، من حقك ترفض الطلب وقتها ومش هتدفع حاجة خالص، ولا حتى مصاريف شحن.

المعاينة دي هي فرصتك تتأكد من كل حاجة ظاهرة في القطعة. بعد ما تستلم، مش بنقبل استبدال بسبب عيوب كانت ظاهرة وقت الاستلام.

━━━━━━━━━━━━━━━━━━

٢. استبدال المقاس خلال ١٤ يوم

لو استلمت والمقاس طلع مش مظبوط، تقدر تستبدله بمقاس تاني خلال ١٤ يوم من يوم الاستلام.
مصاريف شحن الاستبدال في الحالة دي على العميل حسب المحافظة.

الشروط:
- القطعة تكون بحالتها الأصلية: متلبستش برّه، ومتغسلتش.
- التيكت يكون لسه متعلّق ومش مقصوص.
- المقاس اللي عايزه يكون متاح في المخزون. لو مش متاح، نقدر نبدّلها لك بلون تاني أو قطعة تانية بنفس السعر.

━━━━━━━━━━━━━━━━━━

٣. ضمان الخامة بعد أول غسلة

لو القطعة بعد أول غسلة:
- كشّت بشكل واضح وزيادة عن الطبيعي، أو
- وبّرت،
نبدّلها لك بقطعة جديدة من غير ما تدفع أي حاجة، ولا حتى مصاريف الشحن.

الشروط:
- تبلّغنا خلال ١٤ يوم من يوم الاستلام.
- تكون غسلت القطعة حسب تعليمات الغسيل اللي على التيكت.
- تبعتلنا صورة توضّح المشكلة على واتساب.

الضمان ده بيغطي الكش الزيادة والتوبير بس. أي ضرر تاني بعد الاستلام (قطع، بقع، تغيير لون بسبب الغسيل مع هدوم تانية، أو ضرر من الاستخدام) مش بيدخل في الضمان.

━━━━━━━━━━━━━━━━━━

٤. استرجاع الفلوس

بما إن الدفع عند الاستلام وبعد المعاينة، فالطريقة الأساسية للاسترجاع هي إنك ترفض الطلب عند المندوب لو مش عاجبك.
لو دفعت مقدمًا (انستا باي أو محفظة إلكترونية) ورفضت الطلب عند الاستلام، أو لو قطعة داخلة في ضمان الخامة ومش متاح لها بديل، بنرجّع لك المبلغ كامل على نفس الوسيلة اللي دفعت بيها خلال ٧ أيام عمل.

━━━━━━━━━━━━━━━━━━

٥. حاجات مش بتتستبدل

- قطعة اتلبست برّه أو اتغسلت (إلا في حالة ضمان الخامة في البند ٣).
- قطعة التيكت بتاعها اتقص (إلا في حالة ضمان الخامة).
- عيوب كانت ظاهرة وقت الاستلام والطلب اتقبل.
- كروت الهدايا.

━━━━━━━━━━━━━━━━━━

٦. إزاي تطلب استبدال

ابعتلنا على واتساب ‎01036636923‎ (متاحين على مدار اليوم) أو على provenstores@gmail.com، ومعاك:
- رقم الطلب.
- سبب الاستبدال (مقاس أو ضمان الخامة).
- المقاس أو القطعة اللي عايزها بدالها.
- صورة للقطعة، ولو المشكلة كش أو توبير، صورة توضّحها.

هنأكّد معاك، وبعدها المندوب يجيلك ياخد القطعة ويسلّمك البديل، في خلال ٣–٧ أيام عمل.